BUTUAN CITY – Laing birada na usab ang gipadayag sa Facebook Live kagahapon ni Senador Alan Peter Cayetano batuk sa pipila niya ka mga ka-ubanan sa Senado.
Partikular niini ang pagsulay matud pa sa bag-ong majority pagtabon sa imbestigasyon sa lapad nga kurapsyon ilalom lang sa mga anumalusong flood control projects.
Kung ang majority sa Senado dili lang matud pa itoy sa Malakanyang, ang tanang mipatim-aw og namahayag nga duna’y kasayuran sa maong kurapsyon, dili angayang pugngan.
Gibirahan niya ang pamahayag ni bag-ong committee chairman Erwin Tulfo nga dili lang ang isyu sa flood control maoy tutukan sa imbestigasyon.
Alang kang Cayetano, dili matud pa mahimo nga mawala na sa imbestigasyon ang 18 ka mga kanhi marines ilabina nga daan nang gibutyag ni kanhi Rep Zaldy Co nga daghan siya og gi-deliberan og mga maleta.
Samtang gibirahan na usab sa senador ang kanhi chairman sa Senate Blue Ribbon Committee nga si Senador Ping Lacson nga mahilig matud pa mang-white wash sa ilang imbestigasyon.
Gani, tungod niini, iya pang gipanawagan sa katawhan nga kung kinsa kadtong gustong magpaputi, muduol lang kang Lacson kay maayo matud pa kining mang-white wash.
