-- ADVERTISEMENT --
BUTUAN CITY– Gi-accredit sa Philippine Health Insurance Corporation kon PhilHealth ang De Los Santos Medical Center sa Quezon City isip unang ospital sa Metro Manila nga motanyag sa bag-ong Post-Kidney Transplant Z-Benefit Program, nga naghatag og mas dako nga benepisyo alang sa padayon nga pag-atiman sa mga pasyenteng nakaagi og kidney transplant.
Ang programa naglakip sa coverage sa tambal, laboratory tests, diagnostic procedures, follow-up consultations ug uban pang gikinahanglang serbisyo aron mapagaan ang gasto sa mga pasyente ug masiguro ang ilang dugay nga pag-ayo ug maayong kalidad sa kinabuhi.
