BUTUAN CITY – Gikumpirma ni Presidential Communications Operations Office Secretary Martin Andanar nga padayon silang nangdawat og mga volunteers alang sa gimugna sa Malakanyang nga inter-agency trask group nga maoy mututok sa information dissemination sa tibuok Pilipinas aron mapasabot og maayo ang pederalismo.
Sa eksklusibong pakighinabi sa Bombo Radyo Butuan, gibutyag sa kalihim nga sa kadaghan sa bersyon sa pederalismo, usa lang ang ilang gi-endorso og kini mao ang gihatag sa Constitutional Commission kon ConCOm ngadto kang Pangulong Rodrigo Duterte apil na sa Kamara og sa Senado.
Ang ilang himuon karon mao na ang pagpinalisar sa messaging content ilabina ang plano sa komunikasyon sa ingon usa lang ka mensahe ang mapakanaog sa matag-rehiyon.
Ila karong tumbukon ang speakers bureau kon mga spokespersons og mga trainers nga ilang bansayon arn mahanas sa ilang trabaho.
Alayon niini, nanawagan siya sa tanang mga interesadong mag-volunteer nga muduol lang sa ilang buhatan aron mahimong kabahin sa federalism campaign.
Apan giklaro sa kalihim nga ilang hitsasan sa mga kinahanglanong gamit sa kampanya ang mamahimo nilang mga volunteers apil na ang training aron mapasabot og sakto sa kabaranggayan ang unod sa gihingusgang federalism sa administrasyong Duterte. (Beth Ruiz)
