BUTUAN CITY- Nahuman na ang duha ka adlaw nga summit ni US President Donald Trump ug Chinese President Xi Jinping. Kauban ni Trump ang pipila ka mga opisyal niini kung asa lakip sa gihisgutan sa duha ka lider mao ang pagpakusog sa seguridad ug pamatigayon. Lakip usab nga gihisgutan sa duha ang giyera sa Iran ingon man ang bangi sa China ug Taiwan.
Katapusang mingbisita sa China si Trump niadtong 2017 kung asa ang karun mas gipakusgan pa relasyon sa duha ka bansa. Una nang gibutyag sa US President nga adunay pipila ka mga problema nga kinahanglang resolbahon nga wala nahimo sa miaging mga lider ug ang relasyon sa duha ka nasud mas minglig-on pa Kahinumduman adunay panagbanggi ang duha ka lider human nagpatuman ang US og tag-as nga taripa sa mga produkto nga gikan sa China.
