BUTUAN CITY – Nanawagan si Pangulong Ferdinand Marcos Jr ngadto sa mga nasud sa Asya nga magbaton og coordinated ug unified action sa nagkagrabeng energy crisis tungod sa tensyon sa Middle East.
Sa Asia Zero Emission Community (AZEC) Plus Online Summit, gibutyag sa pangulo nga dili igo ang mga lakang nga gihimo sa matag-nasud kung mag-iyahay lang tungod kay magkonekta man ang oil supply chain sa rehiyon.
Gi-awhag niya ang pagpatuman sa Association of Southeast Asian Nation kon ASEAN framework agreement alang sa petroleum security alang sa emergency fuel sharing ug mas paspas nga pagtubag sa krisis.
Gisugyot usab sa pangulo ang pagpakusog sa oil reserves ug pagmugna og strategic petroleum reserves aron mas mapakusog ang energy security sa nasud ug sa entiro Southeast Asian Region.
