BUTUAN CITY- Maampingong gitun-an sa President Ferdinand Marcos Jr. ang paggamit sa emergency power aron makonhuran ang excise tax sa produktong petrolyo.
Sa press briefing sa Villamor Air Base saigon ni Palace Press Officer USec. Claire Castro, bisan paman nga permahan sa Presidente ang sugyot-baladnon, ang pagpatuman niini nakadepende gihapon sa mga kondisyong gitakda sa balaod.
Sigon ni Castro, suportado sa Presidente ang sugyot ug kini mismo ang nag certify niini isip urget apan giklaro niini nga lahi ang pagperma ug ang aktual nga impelemtasyon.
Giklaro pa ni Castro, nga niadtong unang nahisgutan sa Presidente ang lakang, wala pa nakab-ot ang nasangpit nga threshold hinungdan nga dili gilayon kini mapatuman.
Dugang pa niini, nga kung matuman na ang mga probisyon posibleng magpagawas og mando ang panggamhanan aron ipatuman ang tax adjustment.
Gipasiugda usab sa opisyal nga ang excise tax ipahamtang higayong mosulod na ang imported nga lana sa nasud mao nga nakabase usab ang implementasyon sa actual nga pag-angkat sa lana.
Sa kinatibuk-an ang lakang sa Presidente mipakita sa koordinasyon sa balanse tali sa kita sa gobyerno ug sa panginahanglanong makuhaan ang epekto sa pagsaka sa presyo sa krudo sa katawhan.
