BUTUAN CITY- Gisuspende ni Pangulong Ferdinand “Bongbong” Marcos Jr. ang excise tax sa oil products isip dali-ang tubag sa nagpadayon nga pagsaka sa presyo sa lana nunot sa krisis sa Middle East ug pagsira sa Strait of Hormuz.
Sumala sa Presidente, tumong sa moang lakang nga makuhaan ang bug-at nga galastuhon sa mga motorista ug negosyo, ug mapagaan ang epekto sa pangkalibotanong oil crisis sa mga katawhan. Base sa datos sa Department of Energy, ang fuel supply sa nasud molungtad og 50 ka adlaw, apan magpabiling taas ang presyo sa crude oil kansa minglapanas na sa $110 per barrel.
Gilaoman nga ang suspensyon sa excise tax makapahimo og rollback sa presyo sa gasolina ug diesel sa mga sunod nga simana, kung asa dakong tabang sa transport sector ug sa mga konsumer.
Ubos sa pagdumala sa Department of Finance, gipatuman gilayon ang polisiya ug magpabilin kini hangtud adunay bag-ong direktiba base sa lihok sa pangkalibotanong merkado. Ang maong lakang parte sa halapad nga plano sa panggamhanan aron masiguro ang igo nga supply sa lana ug mamintinar ang kalig-on sa ekonomiya tali sa krisis.
