BUTUAN CITY- Gi-insisitar ni President Ferdinand Marcos Jr. nga wala silay gipalabay nga bisan unsang suhestyon ug tanang opsyon gikonsidera nga tubag sa epekto sa Middle East crisis.
Tubag kini sa Presidente dihang mipasaka og reaksyon sa mga sugyot nga ibasura ang Oil Deregulation Law taliwala sa nagkataas nga presyo sa lana.
Sigon sa Presidente, padayon nga gitun-an sa panggamhanan ang tanang posibleng lakanag, lakip ang sugyot nga pagbasura sa Oil Deregulation Law ug pagtanggal sa VAT sa fuel imports, aron makuhaan ang epekto sa krisis sa lana nunot sa tensyon sa Middle East.
Bisan paman, gipasiugda sa Presidente nga mas nakapukos karun ang gobyerno sa mga dali-ang solusyon kansa direktang makatabang sa katawhan.
Sumala pa niini, nga magkinahanglan pa og taas nga diskusyon ang pag-amyenda o pag-repeal sa Oil Deregulation Law mao nga dili gilayon kini mapatuman. Sa kasamtangan, gi-una sa administrasyon ang pagpanghatag og tabang aron makuhaan ang palas-anon sa publiko taliwala sa nagpadayon nga pagsaka sa preso sa lana.
