BUTUAN CITY – Panahon na matud pa aron ikonsidera sa gobyerno ang pagpatuman og wealth tax kon lahi ug dako nga buhis alang sa mga adunahang Filipino kansa lahi sa tinuig nga buhis sa mga natumbok nga high network individuals.
Sigon ni kanhi Bangko Sentral ng Pilipinas Deputy Governor Diwa Gunigundo, bisan og ang pagpahamtang og wealth tax usa ka dakong political issue ug posibleng daghang mga adunahang Filipino ang musupak niini, angayan matud pang mubarog ang gobyerno alang niini.
Gihimong ehemplo sa ekonomista ang ubang mga nasud nga nagpahamtang sa maong klase sa buhis samtang ang uban usab, gitun-an pa ang pagpahamtang niini.
Mas kinahanglanon matud pa sa Pilipinas nga magpahamtang niini tungod sa kasamtangang estado sa kalisod sa nasud kondiin milyunes ka mga Filipino pa gihapon ang anaa sa sektor sa kabus.
