BUTUAN CITY – Han-ay og andam na ang mga balaang kalihukan sa Diocese sa Butuan sa Semana Santa.
Sugdan kini ugmang adlawa sa Bendita sa Lukay pasado alas 4:30 sa buntag diin ang Misa sa Saint Joseph Cathedral sa siyudad sa Butuan himoon sa Guigona Park sa pagpanguna ni Bishop Cosme Damian Almedilla.
Pasabot pa ni Fr. Glenn Adam Abamonga, tigpamaba sa Diocese of Butuan, nga ang Lukay nga bindetahan ugmang adlawa nagsimbolo sa pagdawat kang Hesus isip Hari sa Espirituhanong Gingharian nga dunay dakong mensahe ilabina sa kagubot karun sa kalibutan nga ang kalinaw makab-ot lang pinaagi sa pagpaubos og dili sa garbo.
Sumala pa ni Fr. Abamonga nga obligado kita nga moduyog sa tibook semana isip tabang sa pagpalambo sa atong moral nga kinabuhi.
Dunay mga pagpakumpisal usab nga himoon sa mga parokya og sa Cathedral sugdan kini sa Lunes Santo ngadto sa Huwebes Santo sa alas 8:00 sa buntag ngadto sa alas 11:00 sa buntag samtang ibalik usab nila ang kumpisalan ng Bayan nga himoon sa Urius Gym sugod sa alas 8:00 sa buntag ngadto sa alas 4:00 sa hapon.
Muabot matud pa sa 30 ngadto sa 50 ka pari ang molambigit sa pagpakumpisal.
Samtang sa hisgutanan usab sa Panaad 2026, malaumon ang pari nga mahinayon kini ilabina kay sa iyang nahibal-an, naresolba na isyu sa pagbabag sa tribu.
Sa panahon usab sa Visita Iglesia, gidasig sa pari ang magtotoo nga mohimo og biseklta IGlesia o ba kaha baktas Iglesia aron usab makadaginot og gasolina taliwa sa krises nga atong nasinati karun.
Mensahe nalang niini sa tanan nga bisan paman sa kasakit og kalisud, makig-uban kita kang Hesus hangtud sa kabanhawan.
