BUTUAN CITY – Dakong uyon ang School Parents Teachers Association sa Agusan National High School sa gimando ni Pangulong Ferdinand ‘Bongbong’ Marcos Jr., nga dili na mag-adaptar og Saturday in-person classes alang sa school year 2024-2025.
Sigon ni Ramy Barry Mero, presidente sa School Parents Teachers Association sa maong tunghaan, sa ilang tigom ning mi-aging semana, dinhi nakumpirma nga magsugod ang klase sa mga bata sa July 29 ning tuiga ug matapos sa Abril 15, 2025.
Kini maglangkob sa 182 ka mga school days nga wala na ang 15-diyas nga in-person Saturday classes sa rasong dili na madugangan pa ang galastuhan sa mga ginikanan ilabina sa mga plitehan.
Wala matud pa’y angayang kabalak-an sa kalidad sa edukasyong ihatag ngadto sa mga bata tungod kay kompleto man ang 182 ka mga school days nga matungha sa kabataan.
