BUTUAN CITY- Hugot nga gikondena ni Pope Leo XIV ang pagkahakog sa gahom ug kwarta kansa gitumong niini nga nag-unang hinungdan sa padayon nga kagubot sa nagkanda-iyang nasud sa kalibotan.
Atol sa iyang gihimong misa sa Stade Louis II sa Principality of Monaco, isip parte sa iyang usa ka adlaw nga Apostholic journey, nagbilin og usa ka pahimangno ang Santo Papa kalabot sa pagnormalisa sa kapintasan sa katilingban.
Sigon sa Santo Papa nga ang kagubot ug injustice nga mingguba sa mga nasud karun, resulta matud pa sa sayop nga prioridad. Gitumbok niini, nga ang sayop nga pagsimba sa mga martial nga butang maoy nag-ulipon sa katawhan. Alang sa Santo Papa nga ang tinuod nga kalinawan wala naka depende sa kung si kinsa ang adunay kusog nga Armas o pwersang Militar.
Isip parte sa iyang kontexto atol sa iyang homily, gibalkan sa Santo Papa ang ebanghelyo ni San Juan kalabot politikal nga desisyon sa mga lider sa rehiyon kaniadto nga ipapatay si Jesus tungod sa kahadlok nga gub-on sa mga Romano ang ilang nation.
Gitandi usab niini ang maong sitwasyon karun kung asa ang mga anaa sa gahom padayon nga minghimo og mga lakang nga mopatay og mga kinabuhing walay pagduha-duha.
