BUTUAN CITY – Dili pa kinahanglan ang pagrasyon sa lana sa Pilipinas tungod kay igo pa ang suplay sa lana sa nasud sigon sa Department of Energy (DOE).
Bisan og taas ang presyo ug padayon ang giyera sa Middle East, gipaneguro sa Department of Energy nga kapin 40 ka adlaw pa ang imbentaryo ug dunay mga lakang usab nga nakalatag batuk sa hoarding.
Sa karun gipamugos sa ahensiya nga walay kakulangon sa suplay sa gasolina ug diesel.
Bisan paman niini, gipahugtan ang pagbantay batuk sa mga nagtago sa lana aron malikayan ang artificial shortage.
Gilantaw na usab sa gobyerno ang pakig-alayon sa ubang nasud sama sa Russia ug China para sa mas lig-on nga suplay.
Samtang gitambagan ang publiko nga dili mag-panic buying ug i-taho sa DOE o mogamit sa E-Gov PH app kung dunay makitang abusadong gas station.
