BUTUAN CITY- Sugdan na karong adlawa Nobyembre 3, sa kagamhanang lokal sa Butuan ang pagpamakuna sa kabatan-unang nag-edad og 12 hantod 17 anyos, nga walay comorbidity sa duha niini ka vaccination sites.
Ang grupong mamahimo nang magpatupok og bakuna mao kadtong anaa sa Rest of the Pediatric Population (ROPP) o mga nag edad 12-17 nga walay gibating sakit diin himuon ang pagbakuna sa SM Butuan ug Robinsons Place Butuan.
Himuon kini human ang malampusong pagpamakuna sa A3 pediatric nga unang gilusad sa Tandag City ug gisundan sa dakbayan sa Butuan.
Subay niini, gi-awhag ni DOH CHD Caraga Epidemiologist Dr. Gerna Manatad ang mga ginikanan nga musanaong sa panawagan nga magbakuna sa ilang mga anak nga nalakip sa maong age group.
Kinahanglan lamang ang ginikanan o guardian magdala og proof sa edad sa bata ug sa ginikanan o guardian ug ipakita kini sa vaccination post sa SM Butuan, Robinsons Place Butuan ug mga barangay nga adunay nagpahigayon og mobile vaccination.
Alang usab sa mga nag-edad og 12 hantod 17 anyos nga adunay comorbidity o sakit, makig-coordinate lang sa ilang pediatrician aron mabakunahan sa MJ Santos Hospital.
Una nang nabakunahan ang pipila ka mga batang nag edad 12 hangtud 17-anyos nga adunay sakit sa maong hospital niadtong October 29.
Gihatagan usab og duot ni Dr.Manatad nga kinahanglang adunay medical certificate gikan sa doktor nga fit sa pagbakuna ang maong kabataan ingon man adunay pagtugot sa anak ug sa mga ginikanan o guardian adiser hingpit nga mahimo ang pagbakuna.
