BUTUAN CITY – Migawas sa mga naha-unang pagtuon nga ang pagluto sa balay usa ka maayong paagi aron mamintina ang maayong panglawas ug sa bag-ong pagtuon, nakita nga ang mas kanunay nga pagluto sa balay makatabang sa pagpa-ubos sa risgo sa dementia.
Nasuta usab sa mga tigduki-duki nga alang sa mga tawo nga dili kaayo hanas sa pagluto, ang pagluto ug pagkaon bisan kausa lang sa usa ka semana makapakunhod sa risgo sa dementia hangtod 67%.
Ang research nagkonektar sa home cooking sa mas ubos nga risgo sa pipila ka sakit sama sa Type 2 Diabetes, obesity, sakit sa kasingkasing, ug posible usab nga makatabang sa mental health.
Sa maong pagtuon, gi-analisar sa mga tigduki-duki ang health data sa dul-an 11,000 ka mga hamtong nga nag-edad 65-anyos pataas gikan sa Japan Gerontological Evaluation Study.
Nasuta sa mga researchers nga ang pagluto sa balay, makutay ngadto sa 23% nga pag-ubos sa risgo sa dementia diha sa mga male participants ug 27% usab sa mga female participants.
Nadiskubrehan usab sa mga scientists nga nga alang niadtong mga study participants nga duna’y gamay lang nga cooking skills, ang pagluto og pagkaon sa balay bisan ka-usa lang sa usa ka semana, makutay sa 67% nga pagkunhod sa ilang risgo sa dementia.
