BUTUAN CITY – Paimbistigahan na sa mga otoridad sa South Korea ang paggamit og vape ni Blackpink member nga si Jennie.
Kini human nag trending online ang video sa suyop niini og vape sa closed doors nga lawak samtang gipagwapahan sa iyahang make-up artist.
Apan human nga nadawat niini ang mga batikos gikan sa iyahang mga fans, dali ra usab nga gi delete ang nasangpit nga video.
Kahibaloan nga kalapasan sa balaod sa South Korea ang paggamit og segarilyo o bisan unsang mga electric cigarettes sulod sa mga dakbalay.
Sumala sa Ministry of Foreign Affairs sa South Korea, nakadawat matud pa sila og mga petition nga paimbistigahan ang nasangpit nga insidente.
Alayon niini, nangayo na usab og kapasayloan ang agency nga naghawid sa singer, diin gikataho niini nga nagbasol na matud pa ang maong artista sa iyahang nahimong sayop.
