BUTUAN CITY – Gidugok sa mga miyembro sa Forex Trading ang police station sa lungsod sa Talacogon, Agusan del Sur aron dili makagawas ang mga opisyal nga nagpa-pay out matud pa sa mga VIP members lamang niini.
Kiniang gisumbong sa usa sa ilang mga miyembro dinhi sa Bombo Radyo Butuan kinsa wala usab naka-payout taliwa nga mu-abot sa 2-milyones pesos ang iyang na-invest.
Sigon sa Forex member nga gitago lang sa pangalang Dodoy, gisugdan ang payout kagahapon sa alas-2 sa hapon og tungod sa kadaghan sa mga membrong gustong makakuha sa ilang kwarta, gipabalhin kini sa ilang mayor sa Talacogon Municipal Police Station alang sa luwas og hapsay nga pay out.
Apan gipahunong kini pasado alas-siete kagabii og dinhi na nasayran na nga ang mga tawo lang matud pa sa ilang mayor ka-uban ang mga membrong pulis ang nakadawat sa ilang share rason sa pagpaninggit og pagpanghilak sa ubang mga membro.
Dili unta nila gustong pagawason ang mga Forex officials apan nadismaya sila tungod kay gihatagan naman hiunuon og security sa mga pulis hangtud nga nakagawas sila rason nga padayon ang ilang pag-ukupa sa palibot sa maong police station.
Gabi karon, nag-abot abot na usab ang uban pang mga Forex members gikan sa nagkada-iyang lungsod sa Agusan del Sur og Agusan del Norte kinsa gusto usab nga makakuha sa kwartang ilang na-invest apan ang gusto sa taga-Forex nga pay in ra kanunay ang mahitabo.
