BUTUAN CITY – Mi-abot na sa 14 ka mga tawo ang patay samtang laing 37 ang angol sa pinaka-ulahing airstrikes sa Israel didto sa Lebanon.
Sigon sa health ministry, apil sa mga biktima ang duha ka mga bata ug duha ka babaye, samtang usa ka sundalong Israeli usab ang gikatahong namatay.
Nagpahimangno ang Israeli military sa mga residente nga muhikling una ilabina kadtong nagpuyo sa lugar nga duol sa ilang operasyon batuk sa mga militanteng Hezbollah tungod sa ila matud pang paglapas sa ceasefire.
Samtang tubag sa Hezbollah, magpadayon ang lang pag-atake hangtud nga magpadayon ang operasyon sa Israel sa ilang teritoryo.
Nasayrang taliwa sa ceasefire nga gipangunahan sa Estados Unidos, nagpabiling delikado ang sitwasyon tungod sa padayong binayluay og pagpamomba sa duha ka panig.
Sa pagkakaron, mi-abot na matud pa sa kapin 2,500 ang patay sukad subling mi-ulbo ang giyera niadtong Marso, kondiin apil sa namatay ang mga sibilyan, kababayen-an ug kabataan.
