BUTUAN CITY – Subling gipasalamatan ni Elizalde Bernales, Regional Information Officer sa Department of Education kon DepEd-Caraga ang probinsiyal nga kagamhanan sa Antique tungod sa hinanaling aksyon sa problema sa tuluganan sa delegado sa Caraga sa Palarong Pambansa 2017.
Nasayrang sa pag-abot pa sa tibook delegado, kulang ang tulganan ug kamatooran niini, anaa lang sa salug nakapahulay ang mga atleta butang nga hilabihang gikabalaka sa mga opisyales.
Dali silang midangop sa probinsiyal nga kagamhanan ug nahatagan gilayon ug 700 ka foams.
Kagabii usab gipahigayon ang welcome party sa mga billeting quarters.
Sa laing hisgutanan, gikumpirma ni Bernales nga karung adlawa na masuta ang programa sa Palarong Pambansa kondiin human sa solidarity meeting sa mga regional sports coordinators, mahibal-an na usab ang mga schedule sa apilan nga mga dula sa Caraga.
Gipa-relax na usab ang mga atleta isip pagpangandam sa pag-abli sa dula karong adlawa.
Mi-apela si Bernales usa tanang Caraganons nga i-ampo ang kada-ugan sa mga delegado ning rehiyon. (Rolan Janea)
