BUTUAN CITY – Mukabat sa P120,000,000.00 nga financial assistance ang gihatag sa Office of the President ngadto sa upat ka mga lalawigan ug usa ka siyudad sa Caraga Region nga na-apektuhan sa kusog nga linog niadtong Disyembre 23 ning mi-aging tuig ug sa mga pagbaha ug pagdahili sa yuta tungod sa mga pag-ulan nga hatud sa trough sa low pressure area.
Atol kini sa programa kaganina nga gipahigayon sa Datu Lipus Macapandong Cultural Center sa lungsod sa Prosperidad, Agusan del Sur.
Sa maong kantidad, P40,000,000.00 alang alang sa Agusan del Sur; P15,000,000.00 sa Agusan del Norte; P35,000,000.00 sa Surigao del Sur; P10,000,000.00sa Surigao del Norte ug P20,000,000.00 alang sa dakbayan sa Butuan.
Dakong tabang na kini aron mahatag ngadto sa mga apektadong pamilya ang ilang nag-unang panginahanglan ilabina kadtong nanghikling tungod sa mga landslides ug flashfloods.
