BUTUAN CITY – Gi-activate na sa Department of Health kon DOH-Caraga ang ilang operations center (OpCen) sukad gipatuman ang code white alert tungod sa pagkuyanap karon sa sakit nga mpox sa pipila na ka mga nasud sa kalibutan ug duna na’y natalang usa ka bag-ong kaso dinhi sa nasud karong tuiga.
Sumala ni Dr. Dioharra Aparri, ang Medical Officer IV ug head sa Health Program Support Team sa DOH-Caraga, molungtad ang maong alerto sa Disyembre ning tuiga.
Tungod niini, istrikto na ang monitoring sa mga kaso sa mpox ug nakig-alayon na usab sila sa national level alang sa early detection sa nasangpit nga sakit ug istrikto na usab ang tanang mga point of entries ning rehiyon kondiin nakig-alayon sila sa Bureau of Quarantine sa ingon, apil sa masusi ang mga gikan sa gawas sa nasud ilabina kadtong duna’y kaso sa mpox.
