BUTUAN CITY – Naka-abot na sa Marsielle City sa France ang Olympic flame, 79 ka mga adlaw adiser ang opening ceremony sa Paris Games uban sa gipatumang hugot nga siguridad. Human sa 12-ka adlaw nga biyahe gikan sa Greece sakay sa 128-anyos na nga barkong Belem, gibitbit ang sulo padulong sa yuta pinaagi ni French 2012 Olympic men’s 50-meter freestyle swimming champion Florent Manaudou.
Gipasa niya kini ngadto kang Paralympic track athlete Nantenin Keita, usa ka 400-meter champion sa 2016 Rio Olympics, ngadto na kang Marseille-born French rapper Jul kinsa maoy midagkot Paris 2024 Olympic cauldron atubangan sa gibana-banang 150,000 ka mga tawo apil na si President Emmanuel Macron.
Ang Olympic flame relay gikatakdang mubiya gikan sa Mediterranean coastal city ning adlawa aron mulibot sa France ug unom ka mga overseas territories adiser mu-abot sa Paris alang sa opening ceremony sa July 26.
Usa ka flotilla sa kapin 1,000 ka mga bangka ang misugat sa barkong Belem didto sa Marseille.
