BUTUAN CITY – Gi-hijack sa mga Somali pirates ang usa ka oil tanker nga anaa sa kadagatan sa Yemen, kansa gikumpirma usab sa pipila ka mga Somali security officials.
Una nang gibutyag sa Yemeni coastguard nga ang tanker MT Eureka gi-hijack ug padulong na sa Somalia human na-overrun sa mga pirata dihang naglawig sa Gulf of Aden duol sa pantalan sa Qana.
Sigon sa tulo ka mga opisyal gikan sa semi-autonomous Puntland region, mibiya ang mga pirata sa usa ka hilit nga coastal area duol sa seaside town sa Qandala, nga anaa sa Gulf of Aden.
Kini na ang ikaduhang hijacking sa usa ka oil tanker sa nasangpit nga lugar sulod lang sa napulo ka mga adlaw human ang pag-hijack usab sa Honor 25 nga binuhatan gihapon sa mga Somali pirates niadtong Abril 22.
Karga sa Honor 25 niadtong higayuna ang 18,500 ka bariles sa lana padulong unta sa Mogadishu.
Ang MT Eureka naglawig bitbit ang bandila sa west African nation nga Togo adiser kini na-hijack ug na-overrun sa armadong mga lalaki.
