BUTUAN CITY – Nangandam na ang Office of Civil Defense kon OCD-Caraga alang sa mga posibleng pagsulay sa umalabot nga bulan human nga opisyal nang magtransisyon ang Pilipinas gikan sa ENSO-Neutral ngadto sa La Niña, kini may kalabutan sa pagtapos na sa Tropical Pacific ocean kon El Niño nga gi anunsyo sa state weather bureau ning nakalabay nga semana.
Sumala ni Ronald Briol, ang tigpamaba sa Office of Civil Defense kon OCD-Caraga, masinatian na usab sa Pilipinas, ilabi na sa Rehiyon sa Caraga ang mga pag-ulan karong umalabot nga buwan sa Hulyo, ngadto sa Agusto.
Dugang niini nga 69% matud pa ang tsansa nga makasinati ang Caraga og La Niña karong bulana. Pasabot niini nga makasinati gihapon ang rehiyon sa init nga panahon, apan matagamtaman matud pa niini ang mapanganoron nga kalangitan ingon man mga pag-ulan sa bandang hapon o gabie.
