BUTUAN CITY – Gituohang mga sakop sa Guerilla front committee 88 sa New People’s Army kon NPA ang mipusil-patay sa usa ka Pastor didto sa usa ka suok nga bahin sa Purok-1 San Vicente ,Esperanza Agusan del Sur.
Sa pakighinabi sa Bombo Radyo Butuan giila ni Police Major Darwin Yu Hepe sa Esperanza Municipal Police Station ang biktima nga si Alfonso Gaiento kansa usa ka pastor sa Fundamental Baptist Church.
Sumala sa inisyal nga imbestigasyon sa kapulisan nadudahan lang matod pa ang biktima nga mao ang maghatagan og impormasyon sa Philippine Army.
Sigon sa opisyal buntag sa alas seite niadtong Oktubre 31 nakadungog ang mga residente sa maong lugar og mga buto-buto sa armas.
Saysay pa niini nga dapat alas 3:00 o alas 4:00 sa buntag anaa na unta ang biktima sa baryo rasong gipangeta na kini sa mga residente ug mga alas 6:00 sa kabie napalgan ang nakaluhod nga patayng lawas sa biktima nga naligo sa kaugalingong dugo.
Naka-angkon og samad sa pinusilan ang biktima sa ulo ug tiil.
Dugang ni Yu, niadtong Oktubre 27 nakadawat ang ilang-han-ay og impormasyon nga dunay kapin kun kulang 27 ka armadong kalalakenhan ang anaa sa maong lugar.
Kasamtanga’ng gihaya ang patyng lawas sa pinuy-anan niini.
