BUTUAN CITY – Nakabsan sa kinabuhi ang 23-anyos nga negosyante human nadasmagan sa usa ka sakyanan sa Maria Luisa Village, Barangay Banilad, Cebu City, ning mi-aging alas-12:53 sa kaadlawon.
Na-ila ang biktima nga si Kingston Ralph Ko Cheng, tag-iya sa usa ka café sa Ayala Center Cebu samtang ang suspetsado, na-ila usab nga si Sean Andrew Pajarillo, 21-anyos, kinsa nadala usab sa ospital tungod sa mga samad nga iyang na-angkon.
Sumala sa Traffic Enforcement Unit (TEU) sa Cebu City Police Office (CCPO), ang insidente nahitabo dihang ang Toyota Innova nga gimaneho ni Pajarillo mibangga sa nakaparadang Toyota Vios Sedan og mibangga kang Cheng.
Matud sa mga saksi, misulay pa pag-ikyas si Pajarillo sakay gihapon sa iyang sakyanan apan nawad-an kini og kontrol, hinungdan nga nabangga ug natulimbang kini duol sa Paseo Rodulfo.
Gidala pa sa ospital ang biktima sa ospital apan gideklara kining patay, samtang ang suspek naka-hospital arrest tungod sa mga samad ug tungod kay wala siya magpakita og balido nga lisensya sa pagmaneho, opisyal nga resibo, ug sertipiko sa pagrehistro sa iyang sakyanan.
