BUTUAN CITY-Mohimo og nationwide transport holiday ugmang adlawa, Lunes, Marso 23, 2026, ang Alliance of Concerned Transport Organizations (ACTO) ug uban pang transport groups isip protesta sa dakong dugang-presyo sa produktong petrolyo.
Sumala ni Libay de Luna, presidente sa ACTO, dili matud pa nila kaya ang grabe nga pagsaka sa presyo sa produktong petrolyo, hinungdan sa pagahimuong transport holiday nationwide, ugmang adlaw ingon man tubag sa padayon nga pagsaka sa presyo sa gasolina ug diesel nga gi-atubang sa mga driver ug operator.
Base sa pinakahuling datos, mingsaka og hangtyd P23.90 matag litro ang diesel ug P16.60 matg litro ang gasolina akrung simanaha nunot sa padayon nga tension sa Middle East kansa naka-apekto sa pangkalibotanong supply sa lana.
Tungod niini, laumang ma-apektuhan ang biyahe sa jeepney, UV Express, ug modernized transport units sa Metro Manila, Northern Mindanao, ug Iloilo City, kung asa naka-alerto ang kapin 50 ka transport cooperatives nga makighi-usa sa tigil-pasada.
Gawas sa protesta batok sa oil price hike, gipasi-ugda sa ACTO nga dili igo ang fuel subsidy ug dismayado sila sa pagkalangay sa P2 fare hike nga unta ipatuman karong bulana, Marso.
Samtang, gitun-an sa administrasyon ni President Ferdinand Marcos Jr. ang paghatag og gahom sa Presidente nga suspindihon ang excise tax sa petrolyo aron makuhaan ang epekto sa taas nga presyo sa lana.
