BUTUAN CITY – Nanawagan ang National Citizens’ Movement for Free Elections (NAMFREL) sa Kongreso ug sa Executive branch nga panalipdan ang mandato sa Konstitusyon alang sa regular ug tukmang oras nga eleksyon.
Gipanghimakak sa grupo ang bisan unsang lakang nga iuktaba ang Barangay and Sangguniang Kabataan Elections (BSKE) nga nakatakdang himuon sa Nobyembre 2026.
Sumala sa NAMFREL, dili mahimong iuktaba ang eleksyon base lamang sa kagustuhan sa mga anaa sa gahum, tungod kay kini usa ka katungod sa katawhan.
Gipasidan-an usab sa grupo nga ang pagbalhin sa pondo sa Commission on Elections (COMELEC) ngadto sa ubang programa usa ka paglapas sa Konstitusyon ug hulga sa kagawasan sa institusyon.
Giklaro sa NAMFREL nga ang krisis sa Middle East dili igo nga rason aron iuktaba ang eleksyon.
Gibatikos usab nila ang balik-balik nga pag-postpone sa BSKE nga giingong mahimong paagi aron mapadayon sa puwesto ang pipila ka opisyal.
Gidasig sa NAMFREL ang tanang Pilipino nga magmatngon ug pakigbisogan ang ilang katungod sa pagboto sa hustong panahon.
