BUTUAN CITY – Aminado si PCaptain Anne Cubio, tigpamaba sa Butuan City Police Office kon BCPO nga ang malampusong anti-illegal drugs operation sa mga sakop sa Drug Enforcement Unit kon DEU-13 pasado alas-6:40 kagabii sa usa ka lodging house sa Purok 1, Brgy. Bancasi, ning siyudad, mao ang pinakadako nga nalusad.
Kini human nakuha gikan sa posisyon sa mga drug personalities nga sila Junry Montilla, 44-anyos, residente ning siyudad sa Butuan ug Ronnie Simplicio alyas Nonoy, 47-anyos ug residente sa Purok 4, Brgy. Santa Fe, Esperanza, Agusan del Sur, ang usa ka kilong suspected shabu nga gibana-banang mukantidad og 6.8-milyunes pisos.
Sa eksklusibong pakighinabi sa Bombo Radyo Butuan, gibutyag ni Captain Cubio nga taud-taud pa ang gihimong surveillance sa kapulisan adiser gilusad ang malampusong operasyon.
Duna pa usa’y himuong laing operasyon ang pwersa batuk sa lain na usab nga mga drug personalities nga gitu-uhang duna’y kutay sa mga nadakpan.
