-- ADVERTISEMENT --
BUTUAN CITY – Giguyod na padulong sa Lipata, Surigao City ang Barkong MV Maria Oliva sa usa ka Shipping company human nadautan sa makina kagahapon sa hapon ug gipadpad padulong sa Camiguin.
Sa dihang nadawat sa maong kompanya ang hangyo sa MARINA nga luwason ang ferry boat, gipalarga dayon ni Editha Matamis ang ilang cargo vessel human makadunggo kagabii sa Bilang bilang sa Port of Surigao. Alas 4 kaganinang kaadlawon naguyod na ang barko didto na sa tungod sa Lake Mainit nga nag utaw-utaw.
Puno sa pasahero ug mga sakyanan ang ferry human kini milarga sa Benit, San Ricardo, Southern Leyte kagahapon sa hapon padulong sa Lipata dihang kalit napalong ang duha ka makina.
