BUTUAN CITY – Gi-ulan og nagkada-iyang reaksyon ug komento ang video nga gi-post ni Relyn Egos tungod sa emosyonal nga eksena tali sa usa ka bata nga gikan sa pagtambong sa iyang moving-up ceremony sa Santiago, Agusan del Norte, ug midiretso kini sa bilangguan diin natanggong ang iyang inahan samtang sul-ob pa niini ang toga.
Sa maong video, makita ang inahan sa taas nga bahin nga nagsige og trapo sa iyang mga luha samang gitan-aw ang anak sa ubos nga nagsige lang usab og tan-aw kaniya.
Nasayran nga mihangyo ang inahan sa bata nga dalhon sa nasangpit nga jail facility ang iyang anak samtang naka-toga rason nga gisanong usab kini.
Bisan og taas ang linya sa mga naglinya aron usab muduaw sa ilang kabanay nga nabilanggo kansa mao ang gisunod nga proseso, naghulat gayod ang bata hangtud ala-una sa hapon aron lang makadungan og kaon ang iyang inahan.
