BUTUAN CITY – Hilabihan nga gikalipay ni Engr. Edilberto Nobleza Bayot, usa ka Mushroom Producer nga residente ning siyudad sa Butuan ang pagdaghan na sa milambigit sa pagproduce og mushroom sa rehiyon sa Caraga.
Sumala pa ni Engr. Bayot nga sukad niadtong nagsugod kini sa pag-engage sa mushroom tuig 2012, mas milapad ang kahibalo sa katawhan mahitungod sa mushroom ilabina kay ang sagad mga estudyante niya kaniadto, nahimo na usab nga mga magtutudlo sa mushroom nga kadaghanan anaa sa Agusan Del Sur.
Dako og papel matud pa niini ang Bombo Radyo sa paghatag og kahibalo ngadto sa katawhan mahitungod sa mushroom ilabina ang ka-importante niini sa ecosystem og sa panglawas sa tawo.
Gane karun dako na kaayu ang demand sa mushroom ilabina niadtong panahon sa Covid diin ang mga tawo mitutuk sa mga anti-diabetic og anti-cancer nga mga pagkaon diin usa na niini ang mushroom.
Tungod kay base sa research kaya kitang protektahan sa mushroom batuk sa covid tungod kay puno kini sa nutrients, vitamins og minerals.
Tungod niini, daghan na kaayu mga mushroom nga makita sa mga kamerkaduhan. Mitaas na usab ang presyo niini sa merkado nga kaniadtu sa iyang pagsugod anaa lang sa 150 pesos ang gate prize, karun anaa na sa 250 pesos matag kilo.
