BUTUAN CITY – Mas mikusog pa karun ang hongihong nga magka-relasyon na sila Kathryn Bernardo ug Lucena City Mayor Mark Alcala.
Kini human nasigpatan sa mga netizen ang duruha sa Bangkok, Thailand diin mas klaro ang mga hulagway og nagka-holding hands pa samtang anaa sa escalator sa usa ka mall sa Bangkok, Thailand.
Naka-casual lang matud pa sila ug kauban ni Kathryn ang pipila ka miyembro sa iyang glam team.
Una nang nag-post si Kathryn og “Tom yum is life?” kauban ang iyang team nga anaa sa Bangkok.
Sunud-sunod na nga nasigpatan ang actress ug sa gika-ingong karelasyon niyang pulitiko.
Apan sumala sa uban nga dili dapat himoong isyu kini tungod kay pareho usab silang single ug natural nga kinahanglan usab ni Kathryn nga makabaton og lovelife tungod kay si Daniel Padilla malipayon na sa relasyon kang Kaila Estrada.
Samtang wala usab nahinayon ang relasyon ni Kathryn kang Alden Richards rasong walay daotan kung sila na sa pulitiko.
Ang maong relasyon wala pay opisyal nga pag-angkon sa duruha.
