BUTUAN CITY – Gipahibalo sa Anti-Money Laundering Council (AMLC) nga bilyones pisos nga mga transaksiyon nga gilambigit ngadto nila Bise Presidente Sara Duterte ug sa iyang bana nga si Atty. Manases Carpio, ang gi-flag sa mga bangko.
Kini nga mga transaksiyon naglangkob ug kapin sa 600 ka transaksiyon nga gipadayag ngadto sa Financial Crimes Task Force.
Sigon ni AMLC Executive Director Ronel Buenaventura, ang mga bangko nakabantay sa 33 ka kadudahang transaksiyon ug 630 ka mga covered dealings nga nagkantidad ug P6.77 bilyon kansa gikutay ngadto sa magti-ayon.
Mi-abot matud pa ngadto sa P4.42 bilyon ang misulod sa mga accounts, P1.55 bilyon ang migawas, ug mga P791 milyon ang dili ma-classify kung inflow ba o outflow, base sa report sa AMLC nga gipresenta sa House Committee on Justice.
