-- ADVERTISEMENT --
BUTUAN CITY – Tungod sa padayong pagsaka sa mga kaso sa mpox kon monkeypox sa Africa, didto una ibubo sa World Health Organization ang bulto sa mga bakuna batuk sa maong virus.
Gikumpirma kini sa Department of Health human ang meeting nila sa mga representante ug eksperto sa World Health Organization.
Sigon ni Health Secretary Teodoro Herbosa, nasabutan na sa daghang mga nasud nga itutok una sa Africa ang distribusyon sa mga bakuna batuk sa mpox aron dili na mukaylap sa uban pang parte sa nasud ang maong sakit.
Base sa datus sa DOH, duna na’y 12 ka mga kaso sa mpox ang nasud human natala ang duha ka mga bag-ong kaso niini sa Metro Manila.
Taliwa niini, gipaniguro sa ahensya nga nag-reserve na ang Pilipinas sa maong bakuna.
-- ADVERTISEMENT --
