BUTUAN CITY- Gipahayag sa Filipina beauty queen ug Miss Earth Philippines 2025 nga si Joy Barcoma ang iyang kasubo sa kontrobersiyal nga “halfie” issue nga misikat sa social media niadtong miaging semana, diin iyang gibutyag nga dili ang pagka-half Filipino maoy problema kondili ang pagtan-aw sa ubang indibidwal nga mas ubos ang mga Pilipino.
Sumala niini, ang maong panglantaw mahimong resulta usab sa kultura sa pagbutang sa mga tawo nga adunay Eurocentric nga dagway ug mga langyaw sa taas nga pedestal, nga naghatag kanila og espesyal nga pagtagad ug pribilehiyo. Sigon ni Barcoma, nga panahon na aron susihon sa mga Pilipino ang ilang kaugalingong pagtratar sa isigka-Pilipino ug sa mga bisita gikan sa ubang nasod.
Gisugyot usab sa Pinay Beauty Queen, nga sa umaabot nga mga beauty pageant, ang mga kandidata nga gustong morepresentar sa Pilipinas kinahanglan adunay batakang kahibalo sa Filipino o Tagalog ug makasabut sa nasodnong kultura ug simbolo isip pagpakita sa tinuod nga representasyon sa nasod.
