BUTUAN CITY – Midangop sa Bombo Radyo Butuan ang pipila sa 15 ka mga vendors ug stall owners sa merkado publiko sa Brgy. Ampayon ning siyudad human nga wala gidawat sa taga-City Health Office ang negative result sa ilang rapid test nga gihimo sa pribadong laboratoryo isip second opinion.
Kini human nga una silang nagpositibo sa rapid test nga gihimo sa Butuan Medical Center kagahapon. Sigon sa usa sa mga vendors nga nagpa-abot sa ilang reklamo dinhi sa sibyahan, 123 ang na-rapid test kagahapon ug 15 kanila ang nagpositibo.
Sa 15 duna’y nagpa-second opinion pinaagi sa pagduol sa pribadong diagnostic laboratory kinsa nakakuha og negative result rason nga gidala nila kini ngadto sa CHO apan wala gidawat, hinuon gidala sa isolation facility sa may Ochoa Avenue.
