BUTUAN CITY – Wala’y angayang kabalak-an ang mga Pinoy dinhi sa nasud ilabina dinhi sa Caraga Region nga duna’y kabanay didto sa Thailand human nagdeklara og state of emergency kagahapon ang ilang kagamhanan aron i-ban na ang mga protesta.
Sa eksklusibong pakighinabi sa Bombo Radyo Butuan ngadto sa Mindanaoan professor nga si Boyet Villanueva kinsa 15 ka tuig nang nagtudlo og Mathematics sa capital Bangkok.
Gibutyag niining ang mga estudyante sa nagkada-iyang unibersidad ang nagpasi-ugda sa mga protesta nga karon anaa na sa tulo ka buwan.
Gisinggit nila ang pagpapahawa na sa ilang primero ministro ingon man pag-usab sa konstitusyon tungod kay napuno na ang mga batan-on sa limitado nilang pagtagamtam sa kagawasan ubos sa kadumalahan sa militar.
Hinuon, malinawon ang gihimong mga protesta ng gibantayan usab sa kasundaluhan.
Bisan matud pa og nagtapok ang mga demonstrador, wala’y angayang kabalak-an tungod kay wala na kaayo sila’y problema sa COVID-19 tungod sa malampusong pagsanta sa kagamhanan sa maong sakit.
Kini ilabina nga sukad niadto pang Hulyo 1, gi-adaptar na nila ang face-to-face classes gawas lang kung mu-adto sa mga pampublikong lugar sama sa malls ug uban pa.
