BUTUAN CITY-Misaka sa 2,177 ka kaso sa leptospirosis ang natala sa nasod gikan Enero 4 hangtod Hunyo 6, 2026, nga mas taas og unom ka porsiyento kumpara sa susamang panahon sa miaging tuig, sumala sa Department of Health (DOH).
Sigon sa DOH, nga kadaghanan sa mga natakdan mao ang mga mag-uuma tungod sa ilang kanunay nga pagkalubong sa lapok ug tubig nga posibleng kontaminado sa ihi sa mga mananap nga adunay sakit sama sa ilaga. Ang leptospirosis usa ka sakit nga dala sa bakterya nga mahimong makuha pinaagi sa pagkalambigit sa hugaw nga tubig o lapok.
Aron malikayan kini, adunay magamit nga doxycycline sa mga pasilidad panglawas apan kinahanglan kini nga ihatag lamang base sa tambag ug pag-assess sa doktor. Giduso usab sa DOH ang mas lig-on nga kooperasyon sa mga ahensya sa gobyerno ug lokal nga mga panggamhanan aron mapalambo ang kahibalo sa mga mag-uuma bahin sa mga paagi sa paglikay sa sakit ug pagpanalipod sa ilang kahimsog.
Sa samang higayon, gipasidan-an ang publiko batok sa pag-inom og antibiotic ug uban pang tambal nga walay reseta aron malikayan ang antibiotic resistance, sayop nga dosis, ug posibleng seryosong epekto sa lawas.
