BUTUAN CITY – Padayon ang panghinaut karon ni American human rights Robert Swift nga mahatag na ngadto sa uban pang mga human rights victims atol sa diktadoriya ni anhing Pangulong Ferdinand Marcos ang compensation fund nga alang kanila.
Kini human nahalin ang usa sa mga paintings nga gipanag-iyahan ni kanhi First Lady Imelda Marcos kondiin dinhi sa Caraga Region, gisugdan sa maong abogado ang distribusyon niini kagahapon.
Dakong kalipay ang gibati sa mga kabanay sa mga biktima tungod kay dakong tabang na matud pa alang kanila ang nadawat nga 77-mil, 500-pesos sa matag-usa ilabina nga wala nila kini laumi pa.
Sigon ni Atty. Swift, bisan og 18 ka tuig ang litigation period niini, kinahanglang mahatag gihapon kini sa mga hingtungdan aron mabayran ang pag-antus nila panahon sa martial law.
Aminado si Swift nga nalangay ang pagresolba sa maong kaso tungod sa tinguha sa kagamhanan nga makakuha og porsiento gikan niini kansa wala gitugot ilalom sa balaud sa Estados Unidos. (
Sa pagkakaron, atua na sa Cagayan de Oro City ang abogadong Amerikano alang sa susamang katuyuan.
