BUTUAN CITY – GIkumpirma ni weather forecaster Heart Cepriano sa Philippine Atmospheric, Geophysical and Astronomical Services Administration kon PAGASA-Bancasi ning siyudad sa Butuan nga dako ang posibilidad nga mag-landfall dinhi sa Caraga Region karong Sabado sa gabii o kaha Dominggo sa buntag ang bagyong Auring.
Kini human kini nakasulod sa Philippine Area of Responsibility kaganinang alas-nueve sa buntag kansa mao ang pinaka-unang bagyo karong tuig 2021 nga katapusang nasigpatan sa gilay-ong 900-kilometros sa sidlakan habagatang sidlakan sa Hinatuan, Surigao del Sur.
Sa eksklusibong pakighinabi sa Bombo Radyo Butuan, gipadayag ni Cepriano nga lapad nga ulan ang dala sa maong bagyo rason nga adiser kini mag-landfall, posibleng maghatukd na kini og mga pag-ulan unyang gabii o kaha ugma sa buntag dinhi sa rehiyon.
Tungod niini, gipahimangnuan sa opisyal ang mga katawhang nagpuyo sa mga landlides ug mga flash floods-prone areas nga muhikling na sa luwas nga dapit.
Gipahimangnuan usab niini ang mg mananagat nga dili una magpalawod samtang kadtong naglawig na, gipanawagan niining mubalik na sa agi aron masiguro ang ilang kaluwasan.
