BUTUAN CITY – Gipangunahan ni Department of Education kon DepEd Secretary Sonny Angara ang pagbukas kagahapon sa Palarong Pambansa 2026 ng duna’y temang “Unlocking the Future Through Sports” nagpasabot sa papel sa dula isip pultahan sa paglambo ug paglaum alang sa kabatan-onan.
Atubangan sa kapin sa 13,247 ka atleta, coaches, ug officials gikan sa 20 ka delegations, gipadayag sa kalihim nga ang Palarong Pambansa 2026 maghatag og daghang oportunidad sa mga batan-ong atletang Pilipino ilabina nga ang maong pinakadako nga scholastic sporting event sa nasud, maglusad og mga bag-ong dula, mas lapad nga representasyon, ug gi-update nga mga polisiya sa kompetisyon, nga gisang-at sa dakong preparasyon sa Agusan del Sur alang sa national games.
Human makompleto ang final preparation sa venue ug na-establisar ang support system, gipadayag si Angara ang iyang pagsalig ug pagpasalamat sa ka-andam sa probinsya pagdawat sa mga 11,000 ka mga estudyanteng atleta gikan sa tibuok nasud alang sa pagbukas sa mga dula kagahapon Mayo 24.
Gipadayag niini nga ang maong national sporting event, nagpadayon sa pag-uswag uban sa mga pangandoy sa mga estudyante. Karong tuiga, nagbukas matud pa sila og mas daghang espasyo alang sa partisipasyon, nag-ila sa daghang porma sa kalampusan sa athletics ug nagmugna og palibot sa kompetisyon nga mas patas ug mas inklusibo para sa matag student-athlete.
Samtang nahimong representante kang Pangulong Ferdinand Marcos Jr sa maong kalihukan si Special Assistant to the President Anton Lagdameo Jr. bitbit ang mensahe sa presidente nga nagpa-abot og suporta sa administrasyon sa sports ug youth development.
Sa maong seremonya, gipadayag ni Lagdameo ang direktiba sa pangulo nga ang sports dili lang pang-kompetisyon, kundili usa ka haligi sa holistic youth development ug nation-building.
Personal matud pa nga gi-atiman sa Malacañang ang kamahinungdanon sa maong padula, nga karon gi-apil na ang mas daghang dula ug mas inklusibong mga atleta, lakip na ang mga Para Games.
Samtang sa gi-ere nga video message ni Pangulong Ferdinand Marcos Jr, gipadayag niini ang iyang pagpasalamat ug pagpasidungog sa mga atleta, coaches, ug mga delegado nga mi-apil s maong padula.
Ang pagpasi-ugda matud pa sa papel sa sports dili lang alang sa pagpalambo sa abilidad sa kabatan-onan, apan alang usab sa paghulma sa disiplina, teamwork, ug pagkahimsog.
Gipahinumdom pa niini nga ang sports usa ka haligi sa nation-building, ug usa ka paagi aron ma-unlock ang potensyal sa kabatan-onan alang sa mas maayong kaugmaon.
