BUTUAN CIT Y – Gipakunhuran na ang edad sa kabatan-unang gustong mu-avail sa summer job program sa Department of Education kon DepEd.
Sa pakighinabi ning sibyahan, gibutyag ni Elizalde Bernalez, regional information officer sa DepEd- Caraga, nga gikan sa na-andang 18-anyos nga pinakabatang edad nga pwedeng mu-apply sa Special Program for the Employment of the Student kon SPES, gipa-ubsan na kini sa 15-anyos.
Hinuon giklaro niini nga kinahanglang dili mulapas sa 24-anyos ang pinakataas nga edad sa buot mu-apply niini.
Nag-unang rason sa maong lakang nga matabangan usab sa ilang ahensya ang mga magtutungha nga mupailawom pa sa Senior High sunod school year.
Muabot sa 40 ka mga working days ang ilungtad sa maong summer job kondiin nagpadayon pa ang pagpangdawat nila og aplikasyon alang niadtong mga interesado.
Mamahimng makig-alayon sa ilang ahensya alang sa pagpakisayod sa lain pang mga rekisitos ug kwalipikasyon sa maong programa. (Mon Aplaya)
