BUTUAN CITY – Ang mechanical malfunction sa makina maoy nag-unang gilantaw nga hinungdan sa pagkabangga sa higanteng container ship nga Dali ngadto sa Francis Scott Key Bridge sa Baltimore City sa Maryland hinungdan sa pagkahugmak niini.
Sa eksklusibong pakighinabi sa Bombo Radyo Butuan, gipadayag ni Bombo international correspondent Ferdinand Nakila nga adiser nabangga ang maong barko, nakahimo na kini og mayday call tungod sa napalong nilang supply sa kuryente ug dili na mu-function pa nga timon.
Pila ka minutos lang matud pa human sa ilang mayday call, nabangga na kini ug gitu-uhang tungod sa kadako sa barko, rason nga lisod nga mupa-ak gilayon ang brake.
Giklaro pa ni Nakila nga ang nahugmak nga Francis Scott Key Bridge, sumpay sa 695 freeway kondiin ang tungang bahin lang ang nahugmak tungod kay anaa pa ang isi’g katumoy nga bahin niini.
Bisan unsa matud pa kalig-on sa tulay, apan tungod sa kadako ug kabug-at sa barko tungod sa mga karga niini, mubigay gayod kini rason sa pagkahugmak.
