-- ADVERTISEMENT --
BUTUAN CITY – Padayon pa ang imbestigasyon sa kapulisan sa lungsod sa Barobo, Surigao del Sur aron ma-ilhan og madakpan mahuli ang gika-ingong lone gunman nga mipusil-patay sa duha ka managsoon pasado alas-1:40 sa hapon sa Purok 6, Brgy. Causwagan sa maong lungsod.
Gi-ila ni Barobo Municipal Police Chief PCaptain Johncel Barrameda ang mga biktimang sila Giovanni Tabugon, 28-anyos nga residente sa maong barangay ug ang manghod niining si Jessica Tabugon, 20-anyos nga residente usab sa Sitio Samal, Brgy. Cabacungan sa susamang lungsod.
Migawas sa ilang imbestigasyon nga nangumpra matud pa si Jessica sa Brgy. Poblacion ug nagpahatud sa iyang maguwang pa-uli dihang pareho silang gipamusil sa ulo ug likod resulta sa ilang hinanaling kamatayon.
