BUTUAN CITY – Tingkagol sa karsel ang magti-ayon human kini nabitik sa gilusad nga buybust operation kaganinang alas 12:00 sa hapon sa may Purok-4,Brgy. Mabini, siyudad sa Cabadbaran, Agusan Del Norte.
Giila ni SPO2 Jeffrey ohaw sa Cabadbaran City Police Station, ang mga suspek nga sila REX ANUB, 40-anyos ug asawang si MARIETA ANUB, 42-anyos nga residente sa Purok 1,Brgy. Victory, Tubay, Agusan del Norte kansa parehong mga drug surrenderee sa maong lungsod.
Ang nasangpit nga operasyon gilusad sa hiniusang puwersa sa Cabadbaran City Police Station, Agusan Del Norte Police Provincial Office ug Agusan Del Norte Provincial Public Safety Company diin nakuha ang gitoohang shabu nga dunay kabug-atong 2.5 gramos ug gibana-banang market value nga 29-mil 750 pesos.
Lakip sa nakumpiska ang mga illegal drug paraphernalia, lighter ug 3 ka managlahing unit sa cellphone.
Sa kasamtangan, gihikay na ang kasong ipasaka sa magti-ayon samtang gikustudiya kini sa Cabadbaran City Police Station alang sa tukmang disposasyon.(rolan)
