BUTUAN CITY – Tingkagol na sa bilanggoan ang usa ka Public School teacher human nakuhaan og illegal nga drogas nga mas nailang shabu.
Sa impormasyong nakuha ning sibyahan, gihimo ang operasyon sa sayung buntag sa nakalabay nga adlaw sa may Purok 5, Barangay Patin-ay, Prosperidad, Agusan Del Sur.
Gikasa ang Buy-Bust Operation sa mga personahe sa Philippine Drug Enforcemern Agency kon PDEA- Agusan del Sur Provincial Office sa pakig-alayon sa Prosperidad Municipal Police Station.
Ang nadakpan usa ka high-value target, tungod kay usa kini ka magtutudlo sa pampublikong tunghaan diin nakuha ang sacher nga nagkantidad og 2-mil pesos.
Lakip usab sa nakuha sa posisyon sa suspek ang buy-bust money, itom nga android phone, og PRC identification card. Gitumbok sa mga otoridad ang kamahinungdanon sa maong pag-aresto tungod sa posisyon sa suspek diha sa kumunidad og impluwensiya ngadto sa mga magtutungha.
Ang nadakpang magtutudlo gikustudiya na sa karun sa Prosperidad Municipal Police Station alang sa tukmang disposasyon samtang gi-atubang ang kasong may kalapasan sai Section 5, Article II sa Republic Act 9165.
