BUTUAN CITY – Gipangunahan ni Mayor Cesar “Bubu” Cumba Jr., sa lungsod sa Magallanes, Agusan del Norte ang culmination program alang sa pagsaulog sa ika-500 ka tuig nga expedisyon ni Ferdinand Magellan ug pagdeklara nga nahitabo ang unang misa sa Mazaua, Butuan.
Ka-abag sa maong kasa-ulugan ang mga local historians, mga personahe sa Department of Education (DepEd), Philippine National Police (PNP), Bureau of Fire Protection (BFP), mga non-government organizations (NGOs) ug nagkalain-lain pang mga ahensya.
Atol sa maong kasaulogan, gihimo ang re-enactment sa mga personahe sa Department of Education [DepEd] ug municipal employees kalabot sa journey ni Magellan hangtud nga mi-abot kini sa Magallanes.
Lakip sa kalihukan ang paggama ug time capsule aron ma-preserve ang mga handurawan sa maong pagsaulog.
Samtang dinhi sa Butuan City, pormal na usab nga gilusad ang librong Limasawa Hoax A Tragedy in Philippine History “Beyond The Pale” nga sinulat ni local historian Dr. Potenciano Malvar.
