BUTUAN CTY – Dakong garbo sa anak sa usa sa mga haligi sa kamugnaan sa Bombo Radyo Philippines nga si late Eduardo ‘Eddie’ Suede nga na-apil kini sa walo ka mga gibansagang ‘Bombo martyrs’ nga girekognisa sa The Fallen Journalists Memorial Foundation sa Washington DC sa Estados Unidos tungod sa ilang dakong dedikasyon sa pagpanibya nga miresulta sa pagpatay kanila.
Kini ang gipadayag ni Denmark Suede isip pagbalik-lantaw na usab sa mga nahimo sa iyang amahan kinsa gil-ilang usa sa mga haligi sa kamugnaan sa Bombo Radyo Philippines network nga nagsa-ulog sa ika-57 niini ka tuig na nga kamugnaan karong adlawa.
Ang dili malimtan niini mao ang dedikasyon sa iyang amahan sa iyang trabaho kondiin wala kini santuhon sa pagbirada sa kahanginan sa mga hiwing opisyal ug impluwensyadong indibidwal nga maoy usa sa mga hinungdan nga daling mitatak sa kasing-kasing sa katawhan ang Bombo Radyo.
Dihang gipatay kini pag-abot sa 13 ka tuig niya sa serbisyo niadtong tuig1985, halos 80-mil ka mga tawo ang mihatud sa lubong niini nga nakakuha og atensyon sa international arena.
Dakong garbo alang kaniya sa higayong masayran sa mga atua gawas sa nasud nga iyang amahan si Bombo Eddie tungod kay nakatatak pa ang pangalan niini sa mga naka-abot sa iyang broadcast era.
Apil sa lain pang mga Bombo martyrs nga gi-ila sa The Fallen Journalists Memorial Foundation mao sila lte Bombo Nilo Arconis ug Bombo Ernesto ‘Bart’ Maravilla.
