BUTUAN CITY- Malampusong nabungkag sa Police Regional Office 13 (PRO13) pinaagi sa usa ka lig-on ug intelligence-driven operation batok sa mga krimen sa kinaiyahan ang usa ka large-scale illegal mining operation sa Carac-an Downstream, Brgy. Lobo, Cantilan, Surigao del Sur niadtong gabii sa Abril 9, 2026.
Sumala ni PMAJ. Jennifer Ometer, tigpamaba sa PRO-13, nga aduan nay nafile nga kaso batok sa maong mga suspek ug gihuwatan nalang nga maturn-over sa Bureaue of Immigration.
Sigon pa niini, nga ang operasyon gipangulohan sa Regional Intelligence Division 13 (RID13) ubos sa pagdumala ni PCOL Rolly Albaña ug sa liderato ni PBGEN Marcial Mariano Magistrado IV pinaagi sa implementasyon sa Target Intel Packet No. G05-2026 sa Regional Intelligence Unit 13kon RIU13.uban sa koordinasayon sa Department of Environment and Natural Resources (DENR) Regional Enforcement Division, Mines and Geosciences Bureau (MGB) Caraga, Community Environment and Natural Resources Office (CENRO) Cantilan, Regional Mobile Force Battalion 13 (RMFB13), National Bureau of Investigation (NBI) Caraga, Philippine Air Force (PAF), Cantilan Municipal Police Station (MPS), ug sa 2nd Surigao del Sur Provincial Mobile Force Company (PMFC).
Dugang pa ni Ometter, miresulta ang operasyon sa pagkasikop sa siyam ka Chinese nationals ug usa ka Pilipino nga nalambigit sa ilegal nga pagmina, kansa karon anaa na sa kustodiya sa Cantilan MPS alang sa dokumentasyon ug hustong legal nga proseso.
Gibutyag pa niini, nga narekober usab sa maong operation ang daghang bug-at nga makinarya ug kagamitan sa pagmina gikan sa tulo ka lugar, lakip ang mga excavator, pay loader, dump truck, generator set, sluice box, water pump, bunkhouse, ug uban pang gamit, nga nagkantidad og mokabat sa ₱50.5 milyon.
Samtang sigon pa ni Ometer, nga bag-atubang na karon ang maong mga suspek sa kasong paglapas sa Republic Act No. 7942 o ang Philippine Mining Act of 1995 ug uban pang balaod sa kalikopan ug imigrasyon. Ang tanang nakompiskar nga kagamitan gitugyan na sa DENR alang sa hustong disposisyon ug pagpalig-on sa kaso.
